ಭಾವಯಾನ
ನೋವಿನಿಂದ ನಲಿವಿನೆಡೆಗೆ..... ಕನಸಿನಿಂದ ನನಸಿನೆಡೆಗೆ
Thursday, April 15, 2010
ಸಂಜೆ ಮಳೆ
ಮಳೆ ಹನಿಗಳ ಸ್ಪರ್ಶಕ್ಕೆ
ಮಣ್ಣಿನ ಪರಿಮಳ ಮೂಗನ್ನು ಉದ್ದೀಪಿಸಿ
ನೆನಪುಗಳ ಸರಪಟಾಕಿಗೆ ಕಿಚ್ಚಿಟ್ಟು
ಒಂದೊಂದೇ ನೆನಪುಗಳು ಸಿಡಿಯುತ್ತಾ,
ಕೆಲವು ನೋವಿನ ಬಣ್ಣ, ಕೆಲವು ನಲಿವಿನ ಬಣ್ಣ ಪಡೆಯುತ್ತಾ,
ಮನದ ಆಕಾಶದಲ್ಲೆಲ್ಲ ರಂಗುರಂಗಿನ
ಚಿತ್ತಾರ ಮೂಡುತಿದೆ ಅದೋ ನೋಡು...
Wednesday, April 14, 2010
ಆಶಯ
ಮನೆಯಲ್ಲಿ ಬೆಳಕಿಲ್ಲ,
ಹೊರಗೆ ಜಡಿಮಳೆಯ ನರ್ತನ
ಈ ದೊಡ್ಡ ಕಿಟಕಿಯ ಗಾಜಲ್ಲೆಲ್ಲಾ
ಮಣಿಗಳಾಗಿ ಹನಿಗಳು
ಅದರಾಚೆಗೆ ಕತ್ತಲೆಯಲಿ ಮುಳುಗೆಳುತಿಹ ಜಗ
ಆಗಾಗ ಮಿಂಚಿ ಮಾಯವಾಗುತಿಹುದು ಬೆಳಕು
ಮಿಂಚಿನ ಹೆಗಲೇರಿ ಬರುತಿಹುದು ಗುಡುಗೂ
ಇವೆರಡ ರಾಗ-ತಾಳಕ್ಕೆ ಕುಣಿಯುತಿಹನು ವರುಣನು
ತಂಗಾಳಿಯೂ ಜೋತೆಯಾಗಿಹುದು ಈ ಮೂವರೊಂದಿಗೆ
ಮಳೆಹನಿಗಳ ಸ್ಪರ್ಶದಿಂದ ನಸುನಗುವುದು ಜಗವು
ರವಿಯ ಬೆಳಗಿನಲ್ಲಿ ನಲಿನಲಿಯುವುದು
ಮತ್ತೊಂದು ಸುಂದರ ಬೆಳಗನ್ನು ನಿರೀಕ್ಷಿಸುತ್ತ
ನಿದ್ದೆಗೆ ಜಾರಿಕೊಳ್ಳುವೆನು ಹನಿಮಳೆಯ ಕನಸಿನಲ್ಲಿ
Tuesday, April 13, 2010
ಹುಟ್ಟುಹಬ್ಬಕ್ಕೊಂದು ಉಡುಗೊರೆ
ಗೆಳತಿ ಪ್ರಿಯಾಳಿಗೆ ಮೈಕಲ್ ಜಾಕ್ಸನ್ ಅಂದರೆ ವಿಪರೀತ ಇಷ್ಟ. ಅವಳ ಹುಟ್ಟುಹಬ್ಬಕ್ಕೆ ನಾವೆಲ್ಲಾ ಗೆಳೆಯರು ಸೇರಿ ಕೊಟ್ಟ ಉಡುಗೊರೆ ಇದು.... ಬಹಳ ದಿನದ ನಂತರ ಸ್ಕೆಚಿಂಗ್ ಮಾಡಲು ನನಗೊಂದು ನೆವ ಸಿಕ್ಕಿದ್ದಕ್ಕೆ ನಾನೂ ಫುಲ್ ಖುಷ್ :)
Newer Posts
Older Posts
Home
Subscribe to:
Posts (Atom)