ನಿರಾಕಾರ ಕನಸುಗಳ ಒಂದು ದಿನ...

ಬೇಲಿಯಂಚಿನ ಕಳ್ಳಿ ಗಿಡವೊಂದರ

ಎಲೆಯ ಮುರಿದು

ಒಸರುತ್ತಿರುವ ಬಿಳಿಯ ಹಾಲು

ಎಳೆದಂತೆ ಲೋಳೆಯ ಪದರ

ಗಾಳಿಗೂ ನೋಯದಂತೆ ಊದುವನು

ಗುಳ್ಳೆಗಳ ಜನನ ಪ್ರಕ್ರಿಯೆಯಲ್ಲಿ ನಿಮಿಗ್ನನಾಗಿ

ಪುಟ್ಟನ ಆಸೆಗಳ ಅರಿತಂತೆ

ಮುರಿದ ದಂಟಿನಿಂದ ಗುಳ್ಳೆಯೊಂದು ಮೂಡುವುದು

ಸಮಯದೊಂದಿಗೆ ಆಕಾರವನೂ ಪಡೆಯುತ

ಹೊಂಬಿಸಿಲಿನಲಿ ಹೊಳೆಯುತ

ಜಗವನೆ ತನ್ನೊಡಲಿನಲಿ ಹಿಡಿದಿಡುತಾ

ಗುಟ್ಟನೊಂದು ಒಡೆವೆನೆಂದು ಕೈ ಹಿಡಿದು

ಹೊತ್ತೊಯ್ಯುತಿಹುದು ಪುಟ್ಟನ ಕಿರುಕಂಗಳಿಗೆ

ಬಣ್ಣವ ಬಳಿದು

ದಿಗಂತದೆಡೆಗೆ... ಅನಂತದೆಡೆಗೆ...

photo courtesy : http://www.flickriver.com/photos/marcusuke/