Wednesday, April 14, 2010

ಆಶಯ

ಮನೆಯಲ್ಲಿ ಬೆಳಕಿಲ್ಲ,
ಹೊರಗೆ ಜಡಿಮಳೆಯ ನರ್ತನ
ಈ ದೊಡ್ಡ ಕಿಟಕಿಯ ಗಾಜಲ್ಲೆಲ್ಲಾ
ಮಣಿಗಳಾಗಿ ಹನಿಗಳು
ಅದರಾಚೆಗೆ ಕತ್ತಲೆಯಲಿ ಮುಳುಗೆಳುತಿಹ ಜಗ

ಆಗಾಗ ಮಿಂಚಿ ಮಾಯವಾಗುತಿಹುದು ಬೆಳಕು
ಮಿಂಚಿನ ಹೆಗಲೇರಿ ಬರುತಿಹುದು ಗುಡುಗೂ
ಇವೆರಡ ರಾಗ-ತಾಳಕ್ಕೆ ಕುಣಿಯುತಿಹನು ವರುಣನು
ತಂಗಾಳಿಯೂ ಜೋತೆಯಾಗಿಹುದು ಈ ಮೂವರೊಂದಿಗೆ

ಮಳೆಹನಿಗಳ ಸ್ಪರ್ಶದಿಂದ ನಸುನಗುವುದು ಜಗವು
ರವಿಯ ಬೆಳಗಿನಲ್ಲಿ ನಲಿನಲಿಯುವುದು
ಮತ್ತೊಂದು ಸುಂದರ ಬೆಳಗನ್ನು ನಿರೀಕ್ಷಿಸುತ್ತ
ನಿದ್ದೆಗೆ ಜಾರಿಕೊಳ್ಳುವೆನು ಹನಿಮಳೆಯ ಕನಸಿನಲ್ಲಿ

3 comments:

Sumana said...

ನಿನ್ನೆ ಮೊನ್ನೆಯ ಮಳೆಯ ಅಬ್ಬರ ಚೆನ್ನಾಗಿತ್ತು ಅಲ್ವಾ ಶರತ್? ನಾನಂತೂ ನಮ್ಮ ಬಾಲ್ಕನಿ ಬಿಟ್ಟು ಮಲಗಕ್ಕೆ ಹೋಗಕ್ಕೂ 'ಬೇಡವೇನೋ' ಅಂತ ಕೂತೆ ಇದ್ದೆ ನೋಡು!!
ಒಳ್ಳೆಯ ಕವಿತೆ!

ಸಾಗರದಾಚೆಯ ಇಂಚರ said...

ಏನು ಸರ್ ಊರ ಕಡೆ ಮಳೆ ಆರಂಭವಾಯ್ತೋ ಹೇಗೆ :)
ಕವನದ ಒಳಗಿನ ಆಶಯ ತುಂಬಾ ಇಷ್ಟವಾಯಿತು

Ranjita said...

Nice one :)