ಹೊರಹೋಗ ಬಯಸಿದರೆ ಚುಚ್ಚಿಬಿಡು ಈ ಕಂಗಳ
ಕಣ್ಣೀರಿನೊಂದಿಗೆ ದಯಪಾಲಿಸುವೆ ಮುಕ್ತಿಯನು....
ಈ ಕನಸಿನ ಗೋಪುರ ಒಂದುದಿನ ಬೀಳುವುದು
ಎಂದು ಗೊತ್ತಿದ್ದೂ ಕಟ್ಟಿದ್ದು ನನ್ನದೇ ತಪ್ಪು
ನಿನ್ನ ಕನಸಿನ ಚಿತ್ತಾರದ ಬಣ್ಣಗಳಲ್ಲೇ ಲೀನವಾಗಿದ್ದೆ
ಹೃದಯವೇ ಆಳುತ್ತಿತ್ತು; ಬುದ್ದಿಗೆ ಒಂದಿನಿತೂ ಅವಕಾಶವೀಯದೆ
ನಿನ್ನ ನೆನಪಲ್ಲಿ ಬಂದ
ನನ್ನ ನಿಟ್ಟುಸಿರ ತೇವಕ್ಕೆ
ಕಿಟಕಿಯ ಗಾಜೆಲ್ಲ ಮಂಜಾಗಿ...
ಹೊರಗಿನ ವಿಶ್ವವೇ ಅಗೋಚರವಾಗಿ...
ಮೋಡಗಳ ಮಧ್ಯದಿಂದ ತೂರಿಬರುವ
ಸಂಜೆಗೆಂಪಿನ ಸೂರ್ಯನ ಕಿರಣಗಳು ನೀನು....
ಆ ಕಿರಣಗಳ ಪ್ರಖರತೆಗೆ ಕರಗುವ
ಮಂಜಿನ ಬಿಂದುವಾಗಿ ನಾನು...
ನಿನ್ನೆಗಳ ಬಗ್ಗೆ ಏಕೆ ಬೇಸರ
ನಾಳೆಗಳ ಬಗ್ಗೆ ಏಕೆ ಕಾತರ
ಇಂದು ಎಂಬ ಇಂದನ್ನು ಬಾಳು ಹರುಷದಿಂದ
ನಡಿ ಮುಂದಕೆ ಎಂದೂ ಬತ್ತದ ಹುರುಪಿನಿಂದ.
ನಿನ್ನೆ ನೀನು ಕಿವಿಯಲ್ಲಿ ಹೇಳಿದ ಗುಟ್ಟು ...
ನಿನ್ನ ಬಿಸಿಯುಸಿರ ಬೆಚ್ಚನೆಯ ಭಾವ...
ನನ್ನ ಅಂಗಿಗಂಟಿದ ನಿನ್ನ ಕೂದಲಿನ ಕಂಪು..
ನನ್ನ ಎದೆಯಲ್ಲೇ ಉಳಿದ ಒಂದು ಹಿಡಿ ನೆನಪು...
ನಾನು, ನಕ್ಷತ್ರ, ಹಾಗು ಅಗಾಧ ಆಗಸಗಳಷ್ಟೇ ಇಂದು...
14 comments:
ಮತ್ತೆ ಬ್ಲಾಗಿಂಗ್ ಗೆ ವಾಪ್ಸು ಬಂದಿದ್ದು ಖುಷಿಯಾಯ್ತು.
ಕವಿತೆ ಬಿಡಿ ಬಿಡಿ ಹೂವಗಳಂತೆ ಅನ್ನಿಸಿತು. ಜತೆಕಟ್ಟಿಸಿದ್ದು ವಿರಹದ ದಾರವೇ ಅಲ್ಲವೇ?
ಒಟ್ಟಾರೆಯಾಗಿಯೂ ಮತ್ತೆ "ನಿನ್ನ ನೆನಪಲ್ಲಿ ಬಂದನನ್ನ ನಿಟ್ಟುಸಿರ ತೇವಕ್ಕೆಕಿಟಕಿಯ ಗಾಜೆಲ್ಲ ಮಂಜಾಗಿ...ಹೊರಗಿನ ವಿಶ್ವವೇ ಅಗೋಚರವಾಗಿ..." ಸ್ಪೆಶಲ್ ಆಗಿ ಹಿಡಿಸಿತು.
ಬರೆಯುತ್ತಿರಿ.
ಭಾವಪೂರ್ಣವಾದ ಕವನ.
ಚೆ೦ದದ ಕವಿತೆ....
ತಿರುಗಿ ಬ೦ದುದು ಸ೦ತಸ ತ೦ದಿದೆ...
ಅಲ್ ದಿ ಬೆಸ್ಟ್..
ತುಂಬಾ ಸಮಯದ ನಂತರ ಅತ್ಯುತ್ತಮ ಕವನ, ಹೀಗೆ ಬರೆಯುತ್ತಿರಿ.. ಶರಶ್ಚಂದ್ರ ಅವರೇ.. ತಾವು ನಮ್ಮನ್ನು ಮರೆತಂತಿದೆ, ಗೂಗಲ್ಲಿನಲ್ಲೂ ಇಲ್ಲಾ ಮೊಬೈಲ್ ಗೂ ( ಫ್ರೀ ಮೆಸೇಜ್ ಇದ್ರೂ)ಒಂದು ಮೆಸೇಜ್ ಇಲ್ಲಾ.. ಆರ್ಕುಟ್ಟಿನಲ್ಲಿ ಇದ್ದೀರಿ ಆದರೂ ಸ್ಕ್ರ್ಯಾಪ್ ಇಲ್ಲಾ.. ಬಹಳಾ ಬ್ಯುಸಿ ಅನಿಸುತ್ತೆ ನೀವು.
ಲೇಯ್ ಸ್ವಲ್ಪ ನಮ್ಮನ್ನ ನೆನಪು ಮಾಡ್ಕ್ಯಳಲೇ ;)
welcome back:)
ಶರಶ್ಚಂದ್ರ,
ಭಾವಪೂರ್ಣ ಕವನ! ಚೆನ್ನಾಗಿದೆ..
ಚಂದದ ಕವಿತೆ ಶರತ್, ಭಾವಯಾನ ಹೀಗೆ ಮುಂದುವರಿಯಲಿ.
-ಪ್ರಶಾಂತ್
ಬಹಳ ದಿನಗಳ ನಂತರ ಒಂದು ಸುಂದರ ಕವನದೊಂದಿಗೆ ಬಂದಿದ್ದಿರಿ..
ಪುನಃ ಮರೆಯಾಗಬೇಡಿ.... :)
ನಿಜ, ನಿನ್ನೆ ನಾಳೆಗಳ ಬಗ್ಗೆ ಚಿಂತಿಸದೆ ಇಂದಿನದನ್ನು ಅನುಭವಿಸಬೇಕು. ಒಳ್ಳೆಯ ಕವನ
ತುಂಬಾ ತುಂಬಾ ಚಂದದ ಪದ್ಯ
ಏನು ಅರ್ಥಗರ್ಭಿತವಾಗಿದೆ
ವಿರಹವೇ? ಯಾಕೆ?
ಮೊದಲಿನಷ್ಟೇ ಸಂತೋಷದಿಂದ ಓದಿ ಹಾರೈಸಿದ ಎಲ್ಲ ಬ್ಲಾಗ್ ಗೆಳೆಯರಿಗೂ ಧನ್ಯವಾದಗಳು :)
ಅಂತೂ back to pavilion ! :) ಗುಡ್ ಗುಡ್! :)
vaishaali
ನಾಲ್ಕು ತಿಂಗಳ ನಂತರ ಮತ್ತೆ ಬ್ಲಾಗ್ ಅಪ್ಡೇಟ್ ಮಾಡಿದ್ದು ಖುಷಿ ಆತು..
"ನಿನ್ನ ನೆನಪಲ್ಲಿ ಬಂದ
ನನ್ನ ನಿಟ್ಟುಸಿರ ತೇವಕ್ಕೆ
ಕಿಟಕಿಯ ಗಾಜೆಲ್ಲ ಮಂಜಾಗಿ...
ಹೊರಗಿನ ವಿಶ್ವವೇ ಅಗೋಚರವಾಗಿ..."
ಈ ಸಾಲುಗಳು ತುಂಬಾ ಇಷ್ಟ ಆತು :-)
last few lines are just amazing sharath....
Post a Comment